سمندری طوفان گیمی کے سبب تیز بارشوں کا سلسلہ جاری ہے، طوفان فلپائن کے بعد تائیوان کے ساحل سے ٹکرا گیا۔
بین الاقوامی خبر رساں ادارے کی رپورٹ کے مطابق طوفان 240 کلومیٹر فی گھنٹے کی رفتار کی ہواؤں سے تائیوان کے شمال مشرقی ساحل سے ٹکرایا۔
خبر ایجنسی کا اس حوالے سے کہنا ہے کہ سمندری طوفان کے ٹکرانے کے باعث تیز بارشوں کا سلسلہ شروع ہوگیا ہے، مختلف حادثات میں 2 افراد ہلاک اور 200 سے زائد زخمی ہوچکے ہیں۔
طوفان سے قبل ساحلی علاقوں سے 8 ہزار سے زائد افراد کا انخلا کرالیا گیا تھا، متاثرہ علاقوں میں 2 لاکھ 90 ہزار سے زیادہ صارفین بجلی سے محروم ہوگئے ہیں۔
خبر ایجنسی کے مطابق سیکڑوں پروازیں بھی منسوخ کی گئی ہیں جبکہ متاثرہ علاقوں میں ٹرینیں اور فیری سروس معطل ہے۔
تارکین وطن کی ایک اور کشتی کو خوفناک حادثہ ، درجنوں ہلاکتوں کا خدشہ
طوفان گیمی کے اب چین کے صوبے زنجیانگ اور فوجیان سے ٹکرانے کا امکان ہے، طوفان کو 8 برس میں تائیوان کا سب سے طاقتور طوفان کہا جا رہا ہے۔
