اسلام آباد: پیپلز پارٹی کے رہنما قمر زمان کائرہ نے بانی پی ٹی آئی سے بیک ڈور رابطے ہونے کا اشارہ دے دیا اور کہا کہ بیک ڈور رابطوں کا مطلب دوستی ہے نہ سازش۔
تفصیلات کے مطابق پیپلز پارٹی کے رہنما قمرزمان کائرہ نے اے آر وائی نیوز کو خصوصی انٹرویو میں کیا بانی پی ٹی آئی سے پس پردہ رابطے ہورہےہیں کے سوال پر جواب میں بانی پی ٹی آئی سے بیک ڈوررابطے ہونے کا اشارہ دیا۔
رہنما پی پی کا کہنا تھا کہ بیک ڈور رابطے بھارت سے ہوسکتے ہیں تو پھر ملک کے اندر مخالفین سے بھی ہوتے ہیں۔
انھوں نے کہا کہ بیورو کریسی اور اسٹیبلشمنٹ نے ملک چلانا ہوتا ہے اس لیے سب کو ساتھ لیکر چلنا ہوتا ہے، بیک ڈور رابطوں کا مطلب دوستی نہیں اور یہ بھی نہیں کہ سازش ہورہی ہے.
