اسلام آباد : پاکستان تحریک انصاف نے بانی کی قید کو ایک سال مکمل ہونے پر پانچ اگست کوملک بھرمیں جلسوں دھرنوں کا اعلان کردیا۔
تفصیلات کے مطابق پاکستان تحریک انصاف کے رہنما اسد قیصر نے میڈیا سے گفتگو میں کہا کہ 5اگست کو بانی پی ٹی آئی کی قید کو ایک سال مکمل ہو جائے گا،پانچ اگست کو ملک بھر میں بڑے جلسے کریں گے۔
اسد قیصر کا کہنا تھا کہ عوام مہنگائی اور بانی پی ٹی آئی کی غیر قانونی گرفتاری کیخلاف باہر نکلیں، غریب آدمی کیسےبڑھتی مہنگائی میں گزارا کریں گے،ٹیکسٹائل انڈسٹری بیٹھ گئی ہیں۔
انھوں نے تمام جماعتوں کو اپنے ساتھ بیٹھنے کی دعوت دیتے ہوئے کہا کہ حکومت کورخصت کرنےکیلیےتمام جماعتوں کوایک میزپربیٹھنا ہوگا۔
رہنما پی ٹی آئی نے بتایا کہ ہمارے اکتالیس ایم این ایزکو نشانہ بنایا جارہاہے حکومت سے ہمارامطالبہ ہے کہ غیرقانونی کریک ڈاؤن کو ختم کیاجائے، کریک ڈاؤن کیخلاف سپریم کورٹ ازخود نوٹس لے ورنہ ہم خود درخواست دینگے۔
