پاکستانی برآمدات کے حوالے سے اچھی خبر ہے کہ مالی سال 2024 میں پاکستان کے لیے امریکا سب سے بڑا برآمدی ملک بن گیا ہے۔

ذرائع کے مطابق گزشتہ سال پاکستان کی امریکا کے لیے برآمدات 5 ارب 29 کروڑ ڈالر رہیں، یعنی امریکا کے لیے پاکستانی برآمدات میں 0.9 فی صد کا اضافہ ہوا۔

گزشتہ برس پاکستان کی امریکا سے درآمدات میں 38 فی صد کمی ہوئی ہے، اور سال 2024 میں پاکستان کی امریکا سے درآمدات کا حجم 1 ارب 26 کروڑ ڈالرز رہا۔

اس کے برعکس گزشتہ سال چین کے لیے پاکستانی برآمدات 2 ارب 56 کروڑ ڈالرز رہیں، ذرائع کے مطابق گزشتہ سال چین سے پاکستان نے سب سے زیادہ اشیا درآمد کیں، 2024 میں چین سے درآمدات 14 ارب 51 کروڑ ڈالرز رہیں، یعنی پاکستانی درآمدات میں 24 فی صد کا اضافہ ہوا۔