عالمی شہرت یافتہ ہالی ووڈ اداکارہ انجلینا جولی اور اُن کے سابق شوہر اداکار بریڈ پٹ کا 20 سالہ بیٹا بائیک حادثے کا شکار ہوگیا۔
بین الاقوامی میڈیا رپورٹس کے مطابق اداکارہ انجلینا جولی اور بریڈ پٹ کا بیٹا پیکس تھین لاس اینجلس میں اپنی الیکٹرک بائیک چلا رہا تھا کہ اسی دوران، اُس کی بائیک سڑک پر ایک کار کے پچھلے حصے سے ٹکرا گئی۔
حادثے کے نتیجے میں انجلینا جولی کے بیٹے شدید زخمی ہوئے جس کے بعد مقامی پولیس نے اُنہیں لاس اینجلس کے اسپتال منتقل کردیا، حادثے کے وقت ہیلمٹ نہ ہونے کی وجہ سے اُن کے سر پر چوٹیں آئیں۔
میڈیا رپورٹس کے مطابق ڈاکٹر کا کہنا ہے کہ انجلینا جولی اور بریڈ پٹ کے بیٹے کی حالت خطرے سے باہر ہے اور اُنہیں بہت جلد اسپتال سے ڈسچارج کردیا جائے گا۔
واضح رہے کہ انجلینا جولی اور بریڈ پٹ نے 23 اگست 2014 میں شادی کی تھی اس سابقہ جوڑی کے 6 بچے ہیں تاہم 2019 میں انہوں نے راہیں جدا کرلیں تھیں۔
