اسلام آباد: پاکستان تحریک انصاف کا دفتر ڈی سیل کردیا گیا، اپوزیشن لیڈر عمر ایوب اور وکلا جائزہ لینے دفتر پہنچ گئے۔
دفتر ڈی سیل ہونے کے بعد عمرایوب نے بتایا کہ پی ٹی آئی کے دفتر سے اہم ترین ریکارڈ غائب ہے، پی ٹی آئی دفترسے کمپیوٹرز اور ڈی وی آرز غائب ہیں، آئی جی اسلام آباد، ایف آئی اے اور سی ڈی اے پر ڈکیتی کا پرچہ کٹوائیں گے۔
عمرایوب کا کہنا تھا کہ مرکزی دفتر سے جتنی ڈی وی آر ریکاڈنگز تھییں سب ساتھ لے گئے، پی ٹی آئی مرکزی دفتر سے ہمارے لوگوں کی کیس فائل بھی چوری کرکے لےگئے۔
انھوں نے بتایا کہ پی ٹی آئی مرکزی دفتر سیل کرنے کیلئے فائر سیفٹی آلات نہ ہونے کا الزام لگایا گیا، چیلنج کرتا ہوں کہ سی ڈی اے اور حکومتی دفاتر چلے جائیں کوئی سہولتیں موجود نہیں۔
اپوزیشن لیڈر عمر ایوب کا مزید کہنا تھا کہ ہماری پوری کوشش ہے کہ بےگناہ رہنماؤں اور کارکنوں کو جلد سے جلد رہا کرایا جائے۔
انھوں نے کہا کہ کل اسمبلی میں پرائیوٹ ممبرز ڈے پر حکومت نے اسپانسرڈ بل ڈالا ہے، یہ بل پی ٹی آئی کا راستہ روکنے کیلئے ہے اسے چیلنج کرینگے۔
