بھارت میں لینڈ سلائیڈنگ کے واقعات میں ہلاکتوں کی تعداد 250 سے تجاوز کر گئیں۔
بھارتی میڈیا کے مطابق بھارتی ریاست کیرالہ میں شدید بارش کے بعد لینڈ سلائیڈنگ نے تباہی پھیلا دی، مختلف حادثات میں ڈھائی سو افراد سے زائد افراد ہلاک ہوچکے ہیں۔
ٹائمز آف انڈیا کے مطابق کیرالہ کے 2 گاؤں صفحہ ہستی سے مٹ گئے، صوبہ بھر میں ریڈ الرٹ جاری کردیا گیا جب کہ 225 افراد تاحال لاپتا ہیں جن کی تلاش کا سلسلہ جاری ہے۔
ریاست کیرالہ میں شدید بارشوں کے سبب ضلع وایناڈ میں متعدد گھر لینڈ سلائیڈنگ کی زد میں آگئے جس وجہ سے سیکڑوں افراد کے پھنسے ہونے کا خدشہ ہے۔
سب سے زیادہ تباہی ضلع ویاناڈ میں ہوئی، جہاں کئی گاؤں ملیا میٹ ہوگئے، متعدد گھر لینڈ سلائیڈنگ کی زد میں آگئے جس وجہ سے سیکڑوں افراد کے پھنسے ہونے کا خدشہ ہے۔
حکام کا کہنا ہے نیلم بور میں آبی ریلا متعدد لوگوں کوبہا لے گیا، کئی مکانات، دکانیں اور گاڑیاں ملبے تلے دب گئیں، پُل بہہ جانے کہ وجہ سے امدادی کارروائیوں میں شدید مشکلات کا سامنا ہے۔
ریاستی حکام نے بتایا کہ تین ہزار سے زیادہ لوگوں کو راحتی کیمپوں میں منتقل کردیا گیا ہے۔ حکومت انہیں خوراک، پانی اور طبی امداد فراہم کررہی ہے۔
دریں اثنا بھارتی فوج نے متاثرہ علاقوں کو قریبی علاقوں سے ملانے کے لیے ایک متبادل پل کی تعمیر شروع کردی ہے۔
