سعودی عرب میں وزارت داخلہ نے مشرقی ریجن میں قتل و مسلح ڈکیتی میں ملوث 5 رکنی گروہ کی سزائے موت پر عمل درآمد کردیا ہے۔
سعودی خبررساں ادارے ایس پی اے کی رپورٹ کے مطابق جن ملزمان کی سزائے موت پر عملدر آمد کیا گیا ہے ان میں ایک انڈین اور چار سعودی شہری شامل تھے۔
وزارت داخلہ کے مطابق پانچ رکنی گروہ نے ایک انڈین شہری کو اغوا کیا اور اسے زدو کوب کرنے کے بعد جان سے مار دیا تھا، گروہ میں جعفر الحجی، حسین العواد، ادریس اسماعیل، حسین المسلمی جبکہ ایک انڈین نسیم چنیکا پورٹ شامل تھا۔
پولیس ٹیم نے بتایا کہ ابتدائی تفتیش کے دوران ملزمان نے اپنے جرم کا اعتراف کرلیا تھا، گروہ کا چالان کرمنل کورٹ میں پیش کیا گیا جہاں سے انہیں ’فساد فی الارض‘ یعنی زمین پرفتنہ و فساد پھیلانے کے جرم میں سزائے موت سنائی گئی۔
سعودی عرب میں انسانی اسمگلنگ پر کتنی سخت سزا ہے؟
ابتدائی عدالت کے فیصلے کو اپیل کورٹ نے بھی بحال رکھا بعدازاں ایوان شاہی سے فیصلے کے تصدیق ہونے کے بعد وزارت داخلہ نے پانچوں کی سزائے موت پرعمل درآمد کروادیا۔
