ناروے کپ میں پاکستان اسٹریٹ چائلڈ فٹبال ٹیم نے شاندار کارکردگی کا مظاہرہ کرتے ہوئے سیمی فائنل میں رسائی حاصل کرلی۔
قومی اسٹریٹ چائلڈ فٹبال ٹیم نے جرمنی کو 2 کے مقابلے 3 گول سے شکست دیدی۔ پاکستان نےجرمنی کو شکست دے کر سیمی فائنل کیلئے کوالیفائی کر لیا۔
قومی اسٹریٹ چائلڈ فٹبال ٹیم کے محمد کاشف نے 2 اور محمدحنید نے ایک گول اسکور کیا۔ قومی اسٹریٹ چائلڈ فٹبال ٹیم آج رات سیمی فائنل میں مدمقابل ہو گی۔
- Advertisement -
اس سے قبل قومی اسٹریٹ چائلڈ ٹیم نے ناروے کے سٹرنڈیم کلب کو کوارٹر فائنل میں 3-2 گول سے شکست دی، یہ میچ کافی سنسنی خیز رہا، قومی اسٹریٹ چائلڈ فٹبال ٹیم نے مقابلے کے آخری سیکنڈ میں گول کرکے فتح اپنے نام کی۔
قومی اسٹریٹ چائلڈ ٹیم کےعبیداللہ، محمد کاشف اور محمدعیسیٰ نے گول اسکور کیے تھے۔
