نئی دہلی: بھارتی ریاست مہاراشتر میں دھماکہ ہوا جس کے نتیجے میں 3 افراد جاں بحق جبکہ 4 زخمی ہوگئے ہیں۔
تفصیلات کے مطابق دھماکہ ریاست مہاراشتر میں پونا شہر کے نزدیک ضلع سَتارا میں واقع ونڈ پاور اسٹیشن کے نزدیک ہوا ہے۔
تاحال موصول ہونے والی اطلاعات کے مطابق دھماکے کے نتیجے میں تین افراد اپنی جان سے ہاتھ دھو بیٹھے ہیں جبکہ 4 افراد زخمی ہیں۔ زخمیوں میں سے تین کی حالت تشویش ناک بتائی جارہی ہے۔
جائے وقوعہ سے دھوئیں کے بادل دور دور تک دیکھے جاسکتے ہیں۔
پولیس جائے وقوعہ پر پہنچ چکی ہے اورعلاقے کو گھیرے میں لے کرتفتیش کا آغازکردیا ہے ابتدائی تحقیقات کے مطابق دھماکہ پاور اسٹیشن کی تعمیر میں استعمال ہونے والے دھماکہ خیز مواد کے سبب ہوا ہے۔
