مشہور ریسلر اور ہالی ووڈ اداکار جان سینا نے بالی ووڈ اداکار شاہ رخ سے ہونے والی ملاقات کو زندگی کا شاندار لمحہ قرار دیدیا۔
16 بار کے سابق ڈبلیو ڈبلیو ای چیمپئن اور ہالی ووڈ اسٹار جان سینا ان دنوں اپنی آنے والی فلم ’جیک پاٹ‘ کی تشہیر میں مصروف ہیں، حال ہی میں ایک انٹرویو میں انہوں نے بالی ووڈ کنگ شاہ رخ خان، بھارتی ثقافت اور کھانوں کے بارے میں اپنا تجربہ شیئر کیا۔
ہالی ووڈ اداکار جان سینا نے انکشاف کیا کہ شاہ رخ خان سے ملاقات کے بعد ان کی زندگی کیسے بدل گئی، انٹرویو میں جان سینا سے ان کے دورہ بھارت کے بارے میں پوچھا گیا کہ انہیں شاہ رخ خان سے مل کر کیسا لگا؟۔
View this post on Instagram
جان سینا نے بتایا کہ جب وہ شاہ رخ سے ذاتی طور پر ملے تو وہ ’حیرتزدہ‘ اور جذباتی ہو گئے، میں نے شاہ رخ سے ٹیڈ ٹاک کیا، جو مجھے میری زندگی میں صحیح وقت پر ملا۔
جان سینا نے کہا کہ شاہ رخ خان کے الفاظ میرے لیے متاثر کن تھے، انہوں نے میری زندگی میں تبدیلیاں لانے میں مدد کی ہے، ان تبدیلیوں کے بعد میں ان تمام جیک پاٹس کو پہچاننے میں کامیاب ہو گیا ہوں جو مجھے دیے گئے ہیں اور میں ان کا شکر گزار ہوں۔
جان سینا نے مزید کہا کہ شاہ رخ خان سے ملاقات کرنا میرے لیے ایک جذباتی لمحہ تھا، جب آپ کسی ایسے شخص سے ہاتھ ملانے کے قابل ہوتے ہیں جو آپ کی زندگی میں اثر ڈالتا ہے، تو یہ لاجواب تھا، وہ بہت ہمدرد اور مہربان ہے اور یہ حیرت انگیز تھا، میں حیران تھا، یہ واقعی بہت اچھا تھا۔
واضح رہے کہ اننت امبانی کی شادی میں جہاں دنیا بھر سے سیلیربریٹیز کو مدعو کیا گیا تھا وہیں ہالی ووڈ سے بھی کئی ناموش شخصیات اس شاہانہ شادی میں شرکت کے لیے پہنچی تھیں، انہی میں سے ایک سابق ڈبلیو ڈبلیو ای چیمپئن جان سینا بھی تھے، انھوں نے یہاں کئی بالی ووڈ شخصیات سے ملاقات کی۔
