پاکستانی فلموں کی اداکارہ اور معروف ٹک ٹاکر جنت مرزا کے بیان کے بعد پر ان کے سابقہ منگیتر عُمر بٹ نے اپنے ردعمل کا اظہار کیا ہے۔
ٹک ٹاکر عمر بٹ نے فوٹو اینڈ شیئرنگ ایپ انسٹاگرام اسٹوری پر اپنی سابقہ منگیتر اور اداکارہ جنت مرزا کے بریک اَپ سے متعلق بیان پر کہا کہ مجھے سستی شہرت کا شوق نہیں۔
سابقہ منگیتر عُمر بٹ نے سابقہ منگیتر پر تنقید کی اور انسٹا اسٹوری میں لکھا کہ مجھے سستی توجہ حاصل کرنے کا شوق نہیں ہے، میرے والدین نے میری بہت بہترین پرورش کی ہے۔
View this post on Instagram
انہوں نے اپنی اسٹوری میں مزید لکھا کہ اسی لیے میں کسی کے بارے میں بات نہیں کرتا، اللہ آپ کو خوش رکھے، آمین۔
خیال رہے کہ جنت مرزا نے حال ہی میں ایک پوڈکاسٹ میں بطور مہمان شرکت کی تھی جہاں انہوں نے کہا تھا کہ عُمر بٹ سے منگنی نہیں ہوئی تھی بلکہ بات پکی ہوئی تھی، اور ان کے ساتھ رشتہ ختم ہونے پر بہت خوش ہیں۔
واضح رہے کہ جنت مرزا نے سال 2023 میں عمر بٹ سے بریک اپ کا اعلان کیا تھا جس کے بعد اس جوڑی کے مداح بہت مایوس ہوگئے تھے۔
