ممبئی: بالی ووڈ کی معروف اداکارہ سونم کپور کو بھی بنگلہ دیش کے حالات نے پریشان کردیا۔
بھارتی میڈیا رپورٹس کے مطابق اداکارہ سونم کپور نے انسٹاگرام اسٹوری میں بنگلہ دیشی عوام سے موجودہ حالات پر ہمدردی کا اظہار کیا ہے۔
سونم کپور نے بنگلہ دیش میں جاری مظاہروں سے متعلق پوسٹ شیئر کی اور لکھا کہ ’یہ انتہائی خوفناک ہے۔‘
انہوں نے مداحوں کو مخاطب کرتے ہوئے لکھا کہ ’میرے ساتھ مل کر بنگلہ دیش کے عوام کے لیے دعا کریں۔‘
واضح رہے کہ بنگلا دیش میں کوٹا سسٹم کے خلاف شروع ہونے والے طلبا کے ملک گیر احتجاج کے بعد جنم لینے والی سول نافرمانی کی تحریک کے نتیجے میں ملک کی سب سے طویل عرصے تک وزیر اعظم رہنے والی حسینہ واجد مستعفی ہوگئی ہیں۔
حسینہ واجد اپنی بہن کے ہمراہ خصوصی طیارے میں بھارت روانہ ہوگئیں، انہیں مستعفی ہونے سے قبل تقریر بھی ریکارڈ کرانے نہیں دی گئی۔
یاد رہے کہ بنگلہ دیش میں پرتشدد مظاہروں کے دوران 91 افراد ہلاک اور 100 سے زائد زخمی ہوگئے ہیں۔