کراچی: شہر قائد میں مون سون کی آمد کے پیش نظر بارشوں کا سلسلہ جاری ہے، ایسے میں سیلن کے باعث چھتوں کے گرنے واقعات میں بھی اضافہ ہوگیا ہے۔
اے آر وائی نیوز کے مطابق کورنگی اللہ والا ٹاؤن میں آج صبح سویرے گھر کی چھت گرگئی،جس کے باعث 3 بچے زخمی ہوگئے۔
ریسکیو حکام کا اس حوالے سے کہنا ہے کہ بچوں کومعمولی چوٹیں آئیں ہیں، جنہیں اسپتال منتقل کردیا گیا۔
واضح رہے کہ گزشتہ روز لیاری چاکیواڑہ تھانے والی گلی میں مکان کی چھت منہدم ہوگئی تھی، جس کے نتیجے میں ملبے تلے دب کر 2 افراد ہلاک جبکہ 7زخمی ہوگئے تھے۔
اگست میں بارشیں : محکمہ موسمیات نے خبردار کردیا
چھت گرنے کا ایک اور واقعہ لیاری کھڈا مارکیٹ کے قریب پیش آیا، جہاں چھت گرنے سے خاتون سمیت 2 افراد شدید زخمی ہوگئے، جنہیں سول اسپتال منتقل کردیا گیا ہے۔
