مردان میں دیور نے بھابھی کی جان لینے کے لیے فائرنگ کردی جس کے نیتجے میں ایک ماہ کا بھتیجا جاں بحق ہوگیا۔
تفصیلات کے مطابق صوبہ خیبر پختونخوا کے ضلع مردان کے میاں گلزارہ میں ایک افسوسناک واقعہ پیش آیا جہاں دیور کی فائرنگ سے ایک ماہ کا بھتیجا جاں بحق اور بھابھی زخمی ہوگئیں۔
پولیس کا کہنا ہے کہ بچہ ماں کی گود میں تھا دیور نے گھر میں بھابھی پر فائرنگ کی، گولی ماں کے بجائے بیٹے کو لگ گئی، فائرنگ کرنے کی وجہ سامنے نہیں آسکی ہے۔
پولیس کا مزید کہنا ہے کہ واقعے کا مقدمہ درج کرلیا، تحقیقات کی جارہی ہے، جلد ملزم کو گرفتار کرلیا جائے گا۔
