بنگلا دیش میں طلباء کی جانب سے پر تشدد مظاہروں کے دوران ملک چھوڑ کر بھارت فرار ہونے والی شیخ حسینہ واجد کا بیٹا سجیب واجد بھارتی حکومت کا شکر گزار ہوگیا۔
غیر ملکی ذرائع ا بلاغ کے مطابق شیخ حسینہ واجد کے بیٹے سجیب واجد نے واشنگٹن سے اے ایف پی کو انٹرویو دیتے ہوئے مودی حکومت کا شکریہ ادا کرتے ہوئے کہا کہ نئی دہلی والوں نے میری والدہ کو محفوظ پلیٹ فارم فراہم کیا۔
سجیب واجد کا کہنا تھا کہ ملک میں اگر فوری طور پر انتخابات نہیں کروائے گئے تو ملک میں افراتفری پھیل سکتی ہے، بنگلادیش کی عبوری حکومت پر الزام لگاتے ہوئے انہوں نے کہا کہ وہ لوگ ہجوم کو ملک میں حکمرانی کی اجازت دے رہے ہیں۔
عبوری حکومت کو مکمل طور پر بے اختیار اور علامتی قرار دیتے ہوئے شیخ حسینہ واجد کے بیٹے کا کہنا تھا کہ ملک میں اہم اداروں کے سربراہان جس میں چیف جسٹس، مرکزی بینک کے گورنر اور پولیس چیف کی برطرفی مظاہرین کے مطالبات کے بعد کی گئی ہے۔
بھارتی وزیراعظم نریندر مودی کا شکریہ ادا کرتے ہوئے حسینہ واجد کے بیٹے نے کہا کہ نئی دہلی نے ان کی والدہ کو محفوظ رکھنے میں اہم کردار ادا کیا، میں امید کرتا ہوں کہ میری والدہ جلد وطن واپس لوٹ سکیں گی، تاہم ابھی تک ان کے کسی تیسرے ملک میں جانے کا کوئی منصوبہ نہیں ہے اور میں اپنی والدہ سے رابطے میں ہوں۔
چین نے ایران کو ایک بار پھر حمایت کی یقین دہانی
واضح رہے کہ بنگلادیش میں کوٹہ سسٹم کے خلاف کیا جانے والا احتجاج بعد میں حسینہ واجد کو ہٹانے کی تحریک میں تبدیل ہوگیا تھا جس کے باعث حسینہ واجد کو وزیراعظم کے عہدے سے مستعفی ہو کر ملک چھوڑ کر بھارت میں پناہ لینی پڑی۔
