اسلام آباد : پاکستان ٹیلی کام اتھارٹی کا موبائل سمز بند کرنے کا نیا پلان سامنے آگیا، کن افراد کی سمز بند کی جائے گی۔
تفصیلات کے مطابق پاکستان ٹیلی کام اتھارٹی نے سمز کی بندش کیلئے نیا پلان تیار کرلیا، ذرائع نے بتایا کہ اس سلسلے میں پی ٹی اے نے نادرا سے ڈیٹا حاصل کرلیا ہے۔
ذرائع کا کہنا ہے کہ تین مراحل میں سمز کو بند کیا جائےگا، پہلے فیز میں جعلی اورمنسوخ شناختی کارڈز پر رجسٹرڈ سمز بند کی جائیں گی۔
دوسرے فیز میں ایکسپائر شناختی کارڈز پر رجسٹرڈ سمز کو بند کیا جائے گا جبکہ تیسرے فیز میں انتقال کرنے والے افراد کےنام پر رجسٹرڈسمزکو بند کیا جائےگا۔
پی ٹی اے کی جانب سے صارفین کو میسجز موصول ہوناشروع ہوگئے ہیں ، سمز کو مرحلہ وار بند کرنےکاعمل 16اگست سےشروع ہوگا۔
