کراچی : کرنٹ لگنے سے جاں بحق شہری کی بیٹی کے الیکٹرک کیخلاف عدالت پہنچ گئی اور 3 کروڑ 92 ہزار روپے ہرجانے کا دعویٰ دائر کردیا۔

تفصیلات کے مطابق کرنٹ لگنے سے جاں بحق شہری کی بیٹی نے ہر جانے کا دعویٰ دائرکردیا ، کے الیکٹرک کیخلاف سٹی کورٹ میں 3 کروڑ 92 ہزار روپے ہرجانے کا دعویٰ دائر کیا گیا ہے۔

درخواست میں موقف اختیار کیا گیا کہ کے ای کی نااہلی کے باعث والد کرنٹ لگنےسےجاں بحق ہوئے، لانڈھی کےرہائشی گلزار کو 20 جولائی کوکام سےواپسی پرمجید کالونی میں کرنٹ لگا۔

مزید پڑھیں : طویل لوڈشیڈنگ سے باپ کی ہلاکت، بیٹے کا کے الیکٹرک کیخلاف 2 کروڑ ہر جانے کا دعویٰ

درخواست میں کہا گیا کہ سڑک پرجمع پانی میں تار گرنے سے کرنٹ تھا، ویڈیوسوشل میڈیا پر موجود ہے، کے ای کی نااہلی کےباعث 6 بچوں کا باپ اور گھر کا واحد کفیل جان سے گیا۔

درخواست گزا کا کہنا تھا کہ کے الیکٹرک کیخلاف 3 کروڑ 92 ہزار ہرجانے کا دعویٰ کیاگیاہے، کےالیکٹرک کیخلاف مقدمےکی درخواست دی لیکن پولیس درج نہیں کررہی۔