بھارت کے معروف ریپر، گلوکار و موسیقار یو یو ہنی سنگھ نے اپنے آئندہ البم ’گلوری‘ میں پاکستان کے مشہور گلوکار وہاب بگٹی اور صاحبان کو شامل کرلیا ہے۔
میڈیا رپورٹس کے مطابق بالی ووڈ انڈسٹری کے گلوکار و موسیقار یو یو ہنی سنگھ نے اپنے آئندہ البم ’گلوری‘ کے لیے پاکستان کے مشہور گلوکار وہاب بگٹی اور صاحبان کے ساتھ اشتراک کیا ہے۔
View this post on Instagram
فوٹو اینڈ شیئرنگ ایپ انسٹاگرام پر یو یو ہنی سنگھ گلوری کی ٹریک لسٹ شیئر کی، البم میں 18 گانے شامل ہیں جس میں پاکستانی لوک موسیقار کا نام بھی دیکھا جاسکتا ہے۔
معروف بلوچی لوک گلوکار وہاب بگٹی اور سندھی لوک فنکار صاحباں البم ’گلوری ‘ میں بھارتی ریپر اور گلوکار یو یو ہنی سنگھ کے ساتھ پرفارم کرتے ہوئے نظر آئیں گے۔
یویو ہنی سنگھ کی یہ البم ٹی سیریز کے بینر تلے 26 اگست کو ریلیز کی جائے گی، اس البم میں پاکستانی فنکار کے علاوہ دنیا بھر کے مشہور فنکاروں کے ساتھ اشتراک کیا گیا ہے۔
واضح رہے کہ بلوچستان کے تاریخی شہر سبی سے تعلق رکھنے والے وہاب بگٹی نے کوک اسٹوڈیو سیزن 14 میں اپنی گلوکاری سے شہرت حاصل کی، انہوں نے بلوچی ہٹ سانگ ’کنا یاری ‘ گایا تھا۔
