ممبئی: بالی ووڈ اداکار شریاس تلپڑے نے اپنی موت کی افواہوں پر ردعمل دے دیا۔
گزشتہ دنوں بالی ووڈ کے معروف اداکارہ سریاس تلپڑے کی موت کی خبر زہر گردش تھی جس پر اداکارہ نے اپنی موت کی جھوٹی خبروں پر مایوسی کا اظہار کیا اور اس طرح کی خبروں سے اپنی فیملی خصوصا چھوٹی بیٹی پر پڑنے والے اثرات سے متعلق پوسٹ کی۔
فوٹو اینڈ شیئرنگ ایپ انسٹاگرام پر اداکار شریاس نے لکھا کہ ’ میں آپ سب کو یقین دلانا چاہتا ہوں کہ میں زندہ، خوش اور صحت مند ہوں، مجھے اپنی موت سے متعلق وائرل ہونے والی پوسٹس کا علم ہے۔
View this post on Instagram
انہوں نے کہا کہ میں مزاح کی اہمیت کو سمجھتا ہوں لیکن جب کسی مذاق کو غلط طریقے سے استعمال کیا جائے تو وہ نقصان دہ ہوجاتا ہے، ہوسکتا ہے کہ کسی نے میری موت کی بات مذاق میں کہی ہو لیکن اس مذاق نے میرے گھر میں غیر ضروری تشویش پیدا کردی ہے۔
اداکار شریاس تلپڑے نے کہا کہ اس مذاق نے ان تمام لوگوں خصوصا میری فیملی کے جذبات کو متاثر کیا جو میرے بارے میں فکر مند ہوتے، میری چھوٹی بیٹی روزانہ اسکول جاتی ہے وہ میرے بارے میں بہت فکرمند رہتی ہے اور بار بار سوال پوچھتی ہے۔
شریاس تلپڑے نے کہا کہ اس جھوٹی خبر نے میری بیٹی کے خوف کو بڑھا دیا ہے اور اسے اپنے اسکول میں دوستوں اور ٹیچرز کی جانب سے سوالات کا سامنا کرنا پڑا جو اس کے لیے ٹھیک نہیں تھا۔
اداکار نے کہا کہ میں ایسی باتیں پھیلانے والوں سے کہنا چاہتا ہوں کہ ذرا رکیں اور اس طرح کی باتوں کے اثرات کا جائزہ لیں، بہت سے لوگوں نے میرے لیے دل سے دعائیں کیں، لوگوں کے جذبات سے کھیلنے والا مذاق افسوسناک ہے۔
