بالی ووڈ کے معروف اداکار عمران ہاشمی نے حافظِ قرآن ہونے سے متعلق گردش کرنے والی خبروں پر اپنا ردعمل دیدیا۔
بالی ووڈ انڈسٹری کے معروف اداکار عمران ہاشمی نے حال ہی میں ایک پوڈ کاسٹ میں شرکت کی، دورانِ انٹرویو ہوسٹ نے عمران ہاشمی سے گردشی خبروں کے حوالے سے سوال پوچھا کہ کیا وہ واقعی حافظِ قرآن ہیں اور اس لفظ کا مطلب کیا ہوتا ہے؟
View this post on Instagram
میزبان کے سوال کا جواب دیتے ہوئے عمران ہاشمی نے بتایا کہ ان خبروں میں کوئی صداقت نہیں ہے، میں حافظ قرآن نہیں ہوں، انہوں نے میزبان کو مطلب بھی بتایا کہ حافظِ قرآن کا مطلب ہوتا ہے کہ قرآن پاک کو بغیر دیکھے، پڑھ سکے۔
بھارتی میڈیا کے مطابق ان افواہوں کا آغاز گزشتہ برس سے ہوا جب پاکستانی اداکارہ حمائمہ ملک نے ایک انٹرویو میں بتایا تھا کہ عمران ہاشمی کو کچھ قرآنی آیات یاد ہیں اور وہ ان کے ساتھ سیٹ پر قرآنی آیات اور سورتیں پڑھتے تھے۔