لاہور : کچے کے 20خطرناک ڈاکوؤں کے نام، تصاویر اور سر کی قیمت جاری کردی گئی، سر کی قیمت 10لاکھ سے بڑھا کر 1 کروڑ روپے مقرر کی ہے۔
تفصیلات کے مطابق کچےکے خطرناک ڈاکوؤں کے سر کی قیمت 10لاکھ سے بڑھا کر 1 کروڑ روپے مقرر کردی گئی۔
محکمہ داخلہ پنجاب نےکچےکے20خطرناک ڈاکوؤں کےنام، تصاویر،سرکی قیمت جاری کردی ہے ، ڈاکوؤں میں شاہدکمال، مجیب امان اللہ، وہاب امان اللہ، غنی علی بخش ،احمرعرف شوبی شامل ہیں۔
اس کے علاوہ احمد رسول، عطااللہ ،سبزعلی ،قبول میوہ،میراحضوری،دریجن عرف دادو، گورا حسین، ثنااللہ ،تنویر ،راہب شر ،عمرشر ،ظہور اکبر، مورزادہ ،گل حسن،صداری مراد بھی شامل ہیں۔
محکمہ داخلہ پنجاب کا کہنا ہے کہ ڈاکوؤں کے بارے خفیہ اطلاع دینے کیلئے محکمہ داخلہ کے واٹس ایپ نمبر 03334002653 پر رابطہ کریں، اطلاع دہندہ کا نام ہر صورت صیغہ راز میں رکھا جائے گا۔
گذشتہ روز پنجاب حکومت نے کچے کے ہائی ویلیوٹارگٹ ڈاکوؤں کےسرکی قیمت ایک کروڑ روپے مقرر کی تھی۔
:وزیر اعلیٰ کی ہدایت پر خطر ناک ڈاکو کی گرفتاری پر 50لاکھ روپے اور کم خطرناک ڈاکوؤں ،دہشتگردکی گرفتاری پر25لاکھ روپےانعام مقرر کیا گیا تھا۔
وزیراعلیٰ مریم نواز نے کہاپولیس اہلکاروں کی شہادت میں ملوث دہشتگردوں کوانجام تک پہنچایا جائے گا۔
دوسری جانب پنجاب پولیس کے کچے میں ڈاکوؤں کے خلاف آپریشن میں ہلاک ڈاکوبشیرشرکے زخمی ساتھیوں کی تعداد5ہوگئی ہے ، زخمی ڈاکوؤں میں ثنااللہ شر،گداعلی ،کملوشر،رمضان شر، گدی شامل ہیں۔
حملہ میں ملوث ڈاکوؤں کی سرکوبی کیلئےپولیس آپریشن جاری رہےگا،آپریشن میں61500 ایکڑ رقبہ کلیئر کرایا گیا جبکہ 68 بدنام زمانہ ڈاکو کیفرکردارکو پہنچائے گئے اور 100 سے زائد ڈاکو زخمی ہوئے۔
واضح رہے کہ پنجاب میں ماچھکہ کے علاقے میں جمعرات اور جمعہ کی درمیانی شپ ڈاکووں کے راکٹ حملے میں 12پولیس جوان شہید ہو گئے تھے جبکہ 9 جوان زخمی ہوئے ہیں۔
