پاکستانی شوبز انڈسٹری کی معروف اداکارہ و میزبان ریما خان نے نومولود بچے اور شوہر کے ہمراہ تصاویر شیئر کردی۔
فوٹو اینڈ ویڈیو شیئرنگ ایپ انسٹاگرام پر اداکارہ ریما خان نے تصویر شیئر کی ہیں جبکہ انسٹا اسٹوری میں اپنے شوہر ڈاکٹر طارق شہاب کے ہمراہ ایک تصویر شیئر کی ہے، جس میں ان کے ساتھ ایک نومولود بچہ بھی موجود ہے۔
View this post on Instagram
تصویر میں جوڑے کو خوشگور موڈ میں ایک ریسٹورنٹ میں دیکھا جاسکتا ہے، ساتھ ہی اداکارہ نے یہ واضح نہیں کیا کہ یہ مذکورہ بچہ ان کا ہی ہے یا کسی اور کا ہے؟۔
اس کے علاوہ انسٹاگرام پوسٹ میں انہیں اسی بچے کے ساتھ دیکھا جاسکتا ہے اداکارہ نے کچھ بھی واضح کیے بغیر کیپشن میں لکھا کہ ’ممتا کی دہلیز پر قدم رکھنا زندگی کے بارے میں کسی کے بھی نقطہ نظر کو بدل سکتا ہے اور ماں بننے کے بعد زندگی مقصدیت، صبر اور غیر مشروط محبت کا گہرا احساس پیش کرتی ہے‘۔
ریما خان اور بچے کی تصویر سوشل میڈیا کے مختلف پیجز پر تیزی سے وائرل ہورہی ہے جہاں اداکارہ کے ہاں ممکنہ طور پر دوسرے بچے کی پیدائش کی چہ مگوئیاں کی جارہی ہیں۔
واضح رہے کہ ریما خان نے سال 2011 میں پاکستانی نژاد امریکی ڈاکٹر طارق شہاب سے شادی کی تھی اور ان کے ہاں 2015 میں بیٹے کی پیدائش ہوئی تھی، ریما خان شادی کے بعد سے شوبز انڈسٹری سے دور ہیں لیکن وہ سوشل میڈیا پر کافی متحرک رہتی ہیں۔
