بالی ووڈ کی معروف پنجابی اداکارہ شہناز گل نے گانے ’توبہ توبہ‘ پر رقص کیا تو صارفین نے انھیں ’پنجاب دی کترینہ‘ قرار دیدیا۔
بگ باس 13 سے شہرت حاصل کرنے والی بھارتی پنجاب کی اداکارہ شہناز گل نہ صرف خوبصورت آواز کی مالک ہیں اور کئی گانے گاچکی ہیں بلکہ رقص کرنے میں بھی مہارت رکھتی ہیں، جس کا مظاہرہ انھوں نے وکی کوشل کی فلم کے مشہور گانے ’توبہ توبہ‘ پر کیا جس کی ویڈیو وائرل ہوگئی۔
اس ہفتے کے شروع میں ہندوؤں کے تہوار کرشنا جنم اشتمی کے موقع پر، شہناز نے ممبئی کے گھاٹ کوپر میں منعقدہ پروگرام میں شرکت کی تھی۔
اس تقریب میں موجود کئی ستاروں کی کئی ڈانس ویڈیوز انٹرنیٹ پر وائرل ہوچکی ہیں جسے مداح کافی پسند کررہے ہیں جبکہ شہناز کے توبہ توبہ پر ڈانس کو بھی کافی صارفین نے دیکھا ہے۔
ویڈیو میں دیکھا جاسکتا ہے کہ شہناز گل سرخ سوٹ میں کافی خوبصورت لگ رہیں ہیں جبکہ انھوں نے اپنے بال پیچھے کی جانب باندھ رکھے ہیں اور وہ بغیر میک اپ کے نظرآرہی ہیں۔
تاہم ان کے قدرتی حسن سے قطع نظر ان کے ڈانس مووز نے سوشل میڈیا پر طوفان برپاکردیا اور مداحوں نے انھیں توبہ توبہ پر ڈانس کرنے پر کترینہ سے تشبیح دے ڈالی۔
کچھ مداحوں کو یہ رقص دیکھ کر شہناز کا پرانا ٹیٹو یاد آگیا، شہناز نے کئی سال پہلے اپنی کمر پر کرن کے چہرے کا ٹیٹو بنوایا تھا۔
