جاپان کے جزیرے کیوشو سے سمندری طوفان شانشان ٹکرا گیا، جس کے نتیجے میں شدید ہواؤں کے ساتھ بارش کا سلسلہ جاری ہے۔
بین الاقوامی خبر رساں ادارے کی رپورٹ کے مطابق طوفان شانشان سے کئی گھروں کی چھتیں اڑگئیں اور درخت گرگئے۔
تیز بارشوں کے سبب ہونے والی لینڈ سلائیڈنگ کی وجہ سے ہزاروں افراد کو محفوظ مقامات پر منتقل کیا گیا ہے۔
جاپان میں آنے والے طوفان سے ڈھائی لاکھ سے زائد صارفین بجلی سے محروم ہیں، کیوشو میں پروازیں اور ٹرینوں کی آمدورفت بھی جمعے تک معطل رہے گی۔
واضح رہے کہ اس سے قبل جاپان میں سمندری طوفان ’ایمپل‘ سے نظام زندگی شدید متاثر ہو گیا تھا، بلٹ ٹرینین بھی بند کر دی گئی تھیں۔
سمندری طوفان ایمپل سے نظامِ زندگی درہم برہم ہو گیا تھا، مشرقی اور شمال مشرقی ساحلی علاقے کانتو اور توہوکُو کو طاقت ور سمندری طوفان کا سامنا کرنا پڑا تھا۔
مسجد الحرام میں تیز بارش کے دوران نماز کی ادائیگی، روح پرور مناظر کی ویڈیو
طوفان کے پیشِ نظر بجلی کی فراہمی بھی معطل تھی، جس سے دو ہزار گھر بجلی سے محروم ہوگئے تھے، بجلی کی بندش سے ٹوکیو اور مرکزی شہر ناگویا کے درمیان چلنے والی تمام بلٹ ٹرین سروس بھی منسوخ کر دی گئی تھیں۔
