فیصل آباد میں خاتون پر کیمیل پھینک دیا گیا جس کے نتیجے میں ان کا چہرہ جھلس گیا۔
اے آر وائی نیوز کے مطابق فیصل آباد میں پولیس چوکی طارق آباد کے سامنے نامعلوم موٹر سائیکل سوار شخص نے سعدیہ نامی خاتون پر کیمیکل پھینکا جس کے نتیجے میں ان کا چہرہ جھلس گیا۔
خاتون کو طبی امداد کے لیے اسپتال منتقل کیا گیا لیکن پولیس نے انہیں بغیر علاج کے اسپتال سے گھر بھجوا دیا۔
نامعلوم موٹر سائیکل سوار خاتون پر کیمیکل پھینک کر فرار ہوگیا، واقعے کی سی سی ٹی وی فوٹیج بھی منظر عام پر آئی ہے۔
فوٹیج میں موٹر سائیکل سوار شخص کو جاتے ہوئے دیکھا جاسکتا ہے۔
سی سی ٹی وی فوٹیج میں متاثرہ خاتون دکانوں کی طرف بھاگتی دکھائی دی جبکہ ایک دکاندار نے خاتون کے چہرے پر پانی ڈالا۔
پولیس نے 24 گھنٹے بعد بھی واقعے کا مقدمہ درج نہیں کیا اور نہ ہی ملزم کو گرفتار کیا ہے۔
بعدازاں چیئرمین پرسن پنجاب ویمن پروٹیکشن اتھارٹی کی آمد کا سن کر پولیس کی دوڑیں لگ گئیں اور پولیس نے منتیں کرکے متاثرہ خاتون کو گھر سے سول اسپتال پہنچایا۔
