وینزویلا کا پورا ملک تاریکی میں ڈوب گیا۔ ملک بھر میں بجلی بند ہو گئی۔
وینزویلا کا بیشتر حصہ بجلی کی بندش سے متاثر ہوا ہے جب کہ حکام کا دعویٰ ہے کہ تخریب کاروں نے بجلی کے قومی نیٹ ورک کو نشانہ بنایا ہے۔
جمعہ کو وزیر مواصلات فریڈی نینیز نے سرکاری چینل VTV پر کہا کہ علی الصبح قریباً ساڑھے چار پر بلیک آؤٹ ہوا جس میں دارالحکومت کراکس سمیت ملک کا بیشتر حصے کو بجلی کی مکمل یا جزوی طور پر سپلائی بند ہو گئی۔
وزیر نے کہا کہ ہم ایک بار پھر برقی تخریب کاری کا شکار ہوئے ہیں حکام سروس کو مکمل طور پر بحال کرنے کے لیے کام کر رہے ہیں۔ انہوں نے کہا کہ اس نئی جارحیت پر قابو پانے کے لیے پوری قومی حکومت کو متحرک کر دیا گیا ہے۔
وینزویلا میں بجلی کی کٹوتی کوئی غیرمعمولی بات نہیں ہے۔ 2019 میں سیاسی بدامنی کے دور میں، وینزویلا کو بجلی کی باقاعدہ بندش کا سامنا کرنا پڑا جس کا الزام حکومت تقریباً ہمیشہ تخریب کاروں اور صدر نکولس کی حکومت کے مخالفین پر عائد کرتی ہے۔
