کراچی : سمندری طوفان اسنیٰ پاکستان کے ساحل سےہٹ کرمغرب کی جانب بڑھ گیا، سسٹم کے نتیجے میں کراچی، ٹھٹہ، سجاول میں آج رات بارشیں متوقع ہے۔
تفصیلات کے مطابق سمندری طوفان اسنیٰ پاکستان کےساحل سےہٹ کرمغرب کی جانب بڑھنے لگا ، طوفان بحیرہ عرب میں کراچی سے 185 کلومیٹرجنوب مغرب میں موجود ہے۔
این ڈی ایم اے کا کہنا تھا کہ طوفان اورماڑہ سے210کلومیٹر اورگوادرسے370کلومیٹرجنوب مشرق میں موجود ہے۔
سسٹم کے نتیجے میں کراچی، ٹھٹہ، سجاول، حیدرآباد، مٹیاری جامشورو، دادو میں آج رات بارشیں متوقع ہے جبکہ سندھ اور بلوچستان کے ساحلی علاقوں میں سیلاب اور طغیانی کا خدشہ ہے۔
این ڈی ایم اے نے ایڈوائزری جاری کردی، جس میں ماہی گیروں کو کل تک سمندر میں نہ جانے کی ہدایت کرتے ہوئے کہا عوام سمندر کے کنارےاورساحلی علاقوں میں جانےسےگریزکریں۔
خیال رہے کراچی میں شہری دفعہ ایک سو چوالیس نظر انداز کرتے ہوئے ساحل پر پہنچ گئے، کراچی میں چوبیس گھنٹوں کےدوران سب سے زیادہ انتالیس ملی میٹربارش قائدآباد میں ہوئی، سرجانی میں چوبیس، کورنگی میں اٹھارہ،ناظم آبادمیں سترہ، ایئرپورٹ پرپندرہ ملی میٹربارش ریکارڈ کی گئی۔
