بھارتی نجی ایئرلائن کے طیارے میں بم کی اطلاع کے بعد جہاز نے ترکیہ کے ارضروم ہوائی اڈے پر ہنگامی لینڈنگ کی۔
عرب میڈیا کا اس حوالے سے کہنا ہے کہ بھارتی مسافر طیارے کو بم کی اطلاع پر ارضروم ایئرپورٹ پر لینڈ کرایا گیا، طیارہ بھارتی شہر ممبئی سے جرمنی کے شہر فرنکفرٹ کی طرف گامزن تھا۔
https://x.com/airvistara/status/1832054036322984138?ref_src=twsrc%5Etfw%7Ctwcamp%5Etweetembed%7Ctwterm%5E1832054036322984138%7Ctwgr%5E8af461abddb19bfe85812e706a584feeb221b9d6%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1388162
رپورٹس کے مطابق مسافر طیارے میں عملے کے ارکان کے علاوہ 247 مسافر سوار ہیں۔
اس سے قبل ایک اور واقعے میں قطر ایئرویز کے طیارے میں 39ہزارفٹ کی بلندی پر خرابی پیدا ہوئی، جس پر طیارے کو کراچی ائیرپورٹ پر ہنگامی لینڈنگ کرنا پڑی۔
تفصیلات کے مطابق دوحہ سے فلپائن جانے والی غیر ملکی پرواز نے کراچی ائیرپورٹ پر ہنگامی لینڈنگ کی۔
ایئرپورٹ ذرائع نے بتایا کہ پاکستان کی فضائی حدود میں انتالیس ہزار فٹ کی بلندی پرغیر ملکی طیارے میں خرابی پیداہوئی، جس پر پائلٹ نے میڈے کی کال دی اور ہنگامی لینڈنگ کی اجازت مانگی۔
سعودی عرب: ٹریفک چالان سے متعلق اہم خبر
ذرائع ایوی ایشن کا کہنا تھا کہ طیارہ کراچی جناح ایئرپورٹ پربحفاظت لینڈ کر گیا، طیارے میں سوار ایک سو ستاسی مسافروں کو لاؤنج منتقل کردیا گیا ہے۔
