حیدرآباد: بھارت میں خواتین کے ساتھ زیادتی اور دست درازی کے واقعات اب معمول بن چکے ہیں، ہزاروں کی تعداد میں اس طرح کے معاملات سے تو رپورٹ ہی نہیں ہوتے، ایک اور تازہ واقعہ میں علاج کے نام پر خاتون سے دست درازی کرنے پر پجاری کو حراست میں لے لیا گیا۔
بھارتی میڈیا رپورٹس کے مطابق پوجا کے نام پر لڑکی سے دست درازی کرنے والے ایک مندر کے پجاری کو حیدرآباد کے پرانے شہر میں پولیس نے گرفتار کرلیا۔
رپورٹس کے مطابق راجستھان کا رام کشور جوشی ایک مندر میں پجاری کے فرائض انجام دے رہا تھا، ایک خاتون اپنی بیٹی کو علاج کے لیے رام کشور کے پاس لائی۔
پجاری لڑکی کے گھر والوں کو یہ کہہ کر کمرے میں لے گیا کہ اسے پوجا کرنی پڑے گی، والدین کو کمرے سے باہر بھجوادیا گیا، اس دوران پجاری نے لڑکی سے دست درازی کی۔
بھارت: ٹیوشن ٹیچر کی 11 سالہ طالبہ سے مبینہ زیادتی
لڑکی کو معاملے کا علم ہوا تو اس نے چلانا شروع کردیا اور باہر آکر اپنے والدین کو معاملے سے آگاہ کیا، جس پر لڑکی کے والدین نے فوراً پولیس سے رابطہ کیا، پولیس نے پجاری کو گرفتار کرکے مزید کارروائی کا آغاز کردیا ہے۔
