ریاض: سعودی عرب میں مملکت سے غداری کرنے پر 3 سعودی شہریوں کو پھانسی پر لٹکا دیا گیا۔
سعودی خبر رساں ادارے کی رپورٹ کے مطابق وزارت داخلہ کے جاری کردہ اعلامیہ میں کہا گیا ہے کہ جن شہریوں کو پھانسی کی سزا دی گئی ہے اُن تینوں شہریوں کا تعلق دہشتگرد تنظیموں سے تھا۔
عرب میڈیا کا اس حوالے سے کہنا ہے سزائے موت پانے والے ملزمان میں حنیفیس الھدلی، ماجدی بن محمد بن عطین الکعبی اور ریاض بن عامر بن مطر بن الکعبی شامل ہیں۔
سعودی عرب کی وزارت داخلہ نے بتایا کہ تینوں ملزمان نے دہشتگردوں کی تنظیموں کی سہولت کاری کی اور دہشتگردانہ سوچ اختیار کرتے ہوئے خون ریزی کا حصہ بننے کی کوشش کی۔
سعودی عرب: موسلا دھار بارشوں کا الرٹ جاری
ملزمان پر یہ بھی الزام عائد کیا گیا کہ انہوں نے عوام کو مشتعل کرنے کی کوشش کی، تینوں کو الزامات ثابت ہونے پر گزشتہ روز پھانسی دیدی گئی۔
