سابق امریکی صدر ڈونلڈ ٹرمپ کے خلاف صدارتی مباحثے کے اختتام کے بعد امریکی گلوکارپ ٹیلر سوئفٹ نے صدر کے لیے کملا ہیرس کی حمایت کا اعلان کردیا۔
امریکی پاپ اسٹار ٹیلر سوئفٹ نے فوٹو اینڈ شیئرنگ ایپ انسٹاگرام پر اپنی بلّی کے ساتھ اپنی تصویر شیئر کرتے ہوئے یہ اعلان کیا ہے کہ ’میں 2024 کے صدارتی انتخابات میں کملا ہیرس اور ٹم والز کو اپنا ووٹ دوں گی ‘۔
گلوکارہ نے پوسٹ میں لکھا کہ’ آپ سب کی طرح میں نے بھی مباحثہ دیکھا، تو اگر آپ نے بحث ہونیوالے مسائل سے متعلق اب تک تحیقیق نہیں کی تو یہ صحیح وقت ہے، ایک ووٹر ہونے کی حثیت سے اپنے ملک کیلیے آپ کو ایک سیاسی پارٹی کے منشور سے آگاہ ہونا چاہیے۔
اُنہوں نے اپنے مداحوں سے مخاطب ہوتے ہوئے لکھا کہ میں نے اپنی تحقیق مکمل کر لی ہے اور فیصلہ کر لیا ہے، آپ کو اپنا فیصلہ خود تحقیق کر کے کرنا ہے۔
ٹیلر سوئفٹ نے کہا کہ میں 2024ء کے صدارتی انتخابات میں کملا ہیرس اور ٹم والز کو اپنا ووٹ دوں گی، میں کملا ہیرس کو ووٹ اس لیے دوں گی کیونکہ وہ حقوق کے لیے لڑتی ہیں اور اسی وجہ سے مجھے یقین ہے کہ ہمیں ایک جنگجو کی ضرورت ہے۔
اُنہوں نے لکھا ہے کہ میرے خیال میں کملا ایک مضبوط ہاتھ رکھنے والی، ہونہار رہنما ہیں اور مجھے یقین ہے کہ ہم ان کی پُرسکون قیادت میں اس ملک میں اور بھی بہت کچھ کر سکتے ہیں۔
ٹیلر سوئفٹ نے مداحوں پر زور دیا ہے کہ اپنا ووٹ رجسٹر کروائیں تاکہ جلدی اور آسانی سے اپنا ووٹ کاسٹ کر سکیں۔
