پی ٹی آئی رہنماؤں اور کارکنان کے خلاف دہشت گردی کے مقدمہ پر اسلام آباد پولیس نے تحقیقات کیلئے اسپیشل انویسٹی گیشن ٹیم تشکیل دیدی۔
خصوصی تحقیقاتی کمیٹی کی تشکیل سے متعلق جاری نوٹیفکیشن کے مطابق ایس ایس پی انویسٹی گیشن ارسلان شاہزیب ٹیم کےسربراہ ہوں گے جب کہ ایس پی آرگنائز کرائم ٹیم کا حصہ ہوں گے ایس ایچ اوسنگجانی اور انویسٹی گیشن افسربھی تحقیقاتی ٹیم کاحصہ ہوں گے۔
ٹیم تحقیقات اورمزیدگرفتاریوں سےمتعلق اقدامات کرے گی۔ ٹیم کے سربراہ 2 دن بعد مقدمے کی تحقیقات سے متعلق رپورٹ کریں گے۔
تحقیقات سے متعلق آئی جی اسلام آباد کو تحریری رپورٹ پیش کی جائےگی۔ آئی جی اسلام آباد کی جانب سے نوٹیفکیشن جاری کر دیا گیا ہے۔
