اسلام آباد : سپریم کورٹ میں ججز کی تقرری کیلئے چیف جسٹس پاکستان جسٹس قاضی فائز عیسیٰ کی زیر صدارت جوڈیشل کمیشن کا اجلاس آج ہوگا۔
تفصیلات کے مطابق سپریم کورٹ میں ججوں کے تقرر کیلئے جوڈیشل کمیشن کا غیرمعمولی اجلاس صبح ساڑھے11بجے ہوگا، چیف جسٹس پاکستان جسٹس قاضی فائز عیسیٰ اجلاس کی صدارت کریں گے
اجلاس میں تمام ہائیکورٹس کے چیف جسٹس اور سینئرترین ججز شریک ہوں گے، ہائیکورٹس میں ججوں کی تعیناتی اورجوڈیشل کمیشن رولزکی منظوری پرغور ہوگا۔
جوڈیشل کمیشن اجلاس میں ہائی کورٹس کے سینئر ترین جج ممبر نہ ہونے پر شرکت نہیں کرتے۔۔ لیکن ذرائع کا کہنا ہے ہائی کورٹس کے چیف جسٹس کے ساتھ سینئرترین ججوں کو خصوصی طور پر مدعو کیا گیا ہے۔
اجلاس میں چاروں صوبائی وزرائے قانون بھی شریک ہوں گے، عام طور پر جس ہائی کورٹ میں ججوں کی تعیناتی ہو اس کے متعلقہ چیف جسٹس اور وزیرقانون شرکت کرتے ہیں۔
وزیراعلی بلوچستان بطوروزیرقانون اجلاس میں شرکت کرین گے جبکہ وزیرقانون کےپی آفتاب عالم ویڈیولنک کےذریعے شریک ہوں گے۔
