کوئٹہ : کچلاک میں پولیس موبائل کے قریب دھماکے کے نتیجے میں دو اہلکار شہید اور ڈرائیور زخمی ہوگیا۔
تفصیلات کے مطابق بلوچستان کے دارلحکومت کوئٹہ کے علاقے کچلاک میں پولیس کی گاڑی کے قریب دھماکا ہوا، جس میں میں دو اہلکار شہید اور ڈرائیور زخمی ہوگئے۔ شہید اہلکاروں کی لاشیں اسپتال منتقل کردی گئیں۔
پولیس نے بتایا کہ دھماکابوستان روڈ پر ہوا، پولیس نےعلاقے کو گھیرے میں لےلیا ہے اور شہید اہلکاروں کی لاشیں اسپتال منتقل کردی گئیں ہیں۔
وزیراعظم شہباز شریف نے پولیس وین پر دہشت گرد حملے کی مذمت کرتے ہوئے کہا واقعے کے ذمہ دار دہشت گردوں کو جلد قرار واقعی سزا دی جائے، دہشت گردی کیخلاف پوری قوم سیکیورٹی فورسز کے ساتھ کھڑی ہے، دہشت گردی کے مکمل خاتمے تک یہ جنگ جاری رہے گی۔
وفاقی وزیرداخلہ محسن نقوی نے پولیس موبائل کے قریب دھماکے کی مذمت کرتے ہوئے شہید2پولیس اہلکاروں کوخراج عقیدت پیش کیا۔
محسن نقوی کا کہنا تھا کہ بلوچستان پولیس نےدہشتگردی کیخلاف لازوال قربانیاں دیں، دہشت گردی سےنمٹنےکیلئےقوم کےغیرمتزل عزم کوشکست نہیں دی جا سکتی، قوم کی حمایت سے آخری دہشت گرد، سہولت کارکےخاتمےتک جنگ جاری رہے گی۔
وزیراعلیٰ بلوچستان سرفرازبگٹی نے بھی بوستان روڈپردھماکے کی مذمت کرتے ہوئے شہید پولیس اہلکاروں کو خراج عقیدت پیش کیا اور کہا کہ بلوچستان پولیس ،لیویز،سیکورٹی فورسزکی قربانیوں کوفراموش نہیں کیاجا سکتا۔
سرفراز بگٹی کا کہنا تھا کہ دہشت گردوں اورانکےسہولت کاروں کاخاتمہ کرکےدم لیں گے، دہشت گردی کےخلاف جنگ میں قوم فورسزکےشانہ بشانہ کھڑی ہے،بحالی امن کیلئےشہیدوں کی قربانیوں کوخراج عقیدت پیش کرتےہیں۔
