لاہور: ذرائع کا کہنا ہے کہ پنجاب حکومت نے مسلم لیگ ن کے ورکرز پر درج سیاسی مقدمات کو ختم کرنے کا فیصلہ کیا ہے۔
ذرائع کے مطابق پنجاب حکومت نے ایڈووکیٹ جنرل کو مسلم لیگ ن کے ورکرز کے خلاف درج سیاسی مقدمات کا ریکارڈ اکٹھا کرنے کی ہدایت جاری کی ہے، ایسے مقدمات جن میں ریاست مدعی ہے فوری ختم کرنے کیلئے اقدامات کیے جائیں۔
واضح رہے کہ لیگی ارکان اسمبلی، عہدیداران، کارکنوں کیخلاف پنجاب بھر میں سیاسی مقدمات درج ہیں، نواز شریف اور مریم نواز کی وطن واپسی پر عثمان بزدار دور میں مقدمات درج کیے گئے تھے۔
- Advertisement -
وزیر اعلیٰ پنجاب مریم نواز کی نیب پیشی پر سیکڑوں لیگی رہنماؤں اور کارکنوں پر مقدمات درج کیے گئے تھے، اے جی پنجاب نے لیگی رہنماؤں پر درج سیاسی مقدمات کاریکارڈ مرتب کرنا شروع کردیا۔
