کراچی : کے الیکٹرک نے سندھ حکومت کو ڈیوٹی مد میں 30 ارب دینے سے انکار کردیا اور کہا واٹر بورڈپرہمارے33ارب روپےواجب الادا ہیں۔
تفصیلات کے مطابق سندھ اسمبلی کی قائمہ کمیٹی توانائی کا اجلاس ہوا، جس میں کے الیکٹرک نےسندھ حکومت کوڈیوٹی مدمیں30ارب دینے سے انکارکردیا
سی ای او کے ای نے بتایا کہ واٹر بورڈ پر ہمارے33 ارب روپے واجب الادا ہیں، ہماری رقم ملنےتک ڈیوٹی کےپیسے ادا نہیں کریں گے۔
نثارکھوڑو نے کہا کہ ڈیوٹی کی رقم کو بلوں سے نتھی کرنا غیرقانونی ہے،سیکرٹری توانائی نے بتایا کہ سندھ حکومت کے 30ارب کے ای کے پاس ہیں۔
قاسم سراج کا کہنا تھا کہ سندھ حکومت کے ای کو ڈیوٹی کی وصولی سےروک دے، میئر کراچی بھی کے ای کے ذریعے ڈیوٹی وصول نہ کرائیں۔
سیکرٹری خزانہ کا کہنا تھا کہ کے ای نےغیر قانونی راستہ اختیارکیاہے، انھوں نے وعدہ کیا پچھلےماہ کی ڈیوٹی اداکریں گے۔