اسرائیلی فوج کے سربراہ نے حزب اللہ کو دھمکی دیتے ہوئے کہا ہے کہ ہمارے پاس بہت سی صلاحیتیں ہیں، جو ہم نے ابھی فعال نہیں کیں۔
غیر ملکی ذرائع ابلاغ کے مطابق اسرائیلی فوج کے سربراہ نے کہا کہ مرحلہ وار آگے بڑھ رہے ہیں، ہر مرحلے پر حزب اللہ کو قیمت ادا کرنا ہوگی۔
ادھر اقوام متحدہ انسانی حقوق کمیشن کے سربراہ نے لبنان دھماکوں پر احتساب کا مطالبہ کرتے ہوئے کہا ہے کہ شناخت، جگہ اور حالات جانے بغیر ہزاروں افراد کو دھماکوں کا نشانہ بنانا شرمناک ہے۔
دوسری جانب ایران کے صدر مسعود پزشکیان نے لبنان میں پیجر دھماکوں کی شدید مذمت کرتے ہوئے کہا ہے کہ پیجر دھماکے انسانیت کے زوال، سفاکیت اور جرائم کے غلبہ کا منہ بولتا ثبوت ہیں۔
ترک صدر کا لبنان دھماکوں پر ردعمل سامنے آگیا
ایرانی صدر مسعود پزشکیان کا مزید کہنا تھا کہ امریکا اور مغربی ممالک صہیونی ریاست کے جرائم، قتل عام اور قاتلانہ حملوں کی حمایت کرتے ہیں، امریکا اور مغربی ممالک کو اسرائیل کا ساتھ دینے پر شرم آنی چاہیے۔