پاکستان شوبز انڈسٹری کی معروف و سینئر اداکارہ صبا فیصل نے اپنی دونوں بہوؤں کو بیٹی نہ کہنے کی اصل وجہ بتادی۔
پاکستانی اداکارہ صبا فیصل نے حال ہی میں ایک پوڈ کاسٹ میں شرکت کی جہاں انہوں نے ہمیشہ کی طرح بہو، بیٹی اور سسرال کے موضوع پر بات کی۔
صبا فیصل نے حال ہی میں حافظ احمد کی پوڈ کاسٹ میں بطور مہمان شرکت کی جہاں وہ اپنے لاتعداد انٹرویوز اور پوڈ کاسٹ کی طرح بہو، بیٹی اور سسرال کے موضوع پر بات کرتی دکھیں۔
اداکارہ نے اپنے اور بہوؤں کے درمیان تعلقات سے متعلق گفتگو میں کہا کہ میں نے یہ کہنا چھوڑ دیا ہے کہ میری بہوئیں میری بیٹی جیسی ہیں کیوں کہ ایسا نہیں ہے، میں یہ پہلے کہتی تھی پر اب نہیں۔
صبا فیصل نے اپنے موقف کی وضاحت دیتے ہوئے کہا کہ کیونکہ بہو اور بیٹی دو مختلف رشتے ہیں، تو آپ بہو کو بہو کی طرح پیار کیوں نہیں کرسکتے؟ میں بہوؤں کو بہو کی طرح ہی پیار کرتی ہوں اور کرتی رہوں گی۔
اداکارہ نے کہا کہ بہو مجھے میرے بیٹوں کے توسط سے ملی ہیں تو مجھے میرے بیٹے تو جان سے زیادہ پیارے ہیں اسی لیے دونوں بہوئیں بھی مجھے اتنی ہی پیاری ہیں، میں اب یہی کہتی ہوں کہ میں اپنی بہوؤں کو بہو جیسا پیار کرتی ہوں۔
واضح رہے جہ صبا فیصل گزشتہ سال اپنی بڑی بہو نیہا سے ہونے والی سوشل میڈیا لڑائی کے سبب گھر گھر موضوعِ بحث بنیں رہیں لیکن اب انہوں نے نیہا سے تعلقات استوار کر لیے ہیں۔
