بھارت میں خواتین کے ساتھ جنسی زیادتی کے واقعات میں آئے روز خطرناک حد اضافہ ہورہا ہے، جبکہ مودی حکومت کے کانوں پر جوں بھی نہیں رینگ رہی۔
بھارتی میڈیا کے مطابق حیدرآباد کے مضافات میں انسانیت سوز واقعہ پیش آیا، میڑچل میں 80 سالہ خاتون کو 36 سالہ وینکٹ راؤ اور اس کے دو ساتھیوں نے اجتماعی زیادتی کا نشانہ بنایا۔
ہولناک واقعے کی اطلاع ملتے ہی مقامی افراد نے ملزم کو پکڑ کر تشدد کا نشانہ بنایا، اس کے بعد پولیس کے حوالے کردیا، ملزم کے ساتھی فرار ہونے میں کامیاب ہوگئے، پولیس نے مقدمہ درج کرکے تحقیقات کا آغاز کردیا ہے۔ جبکہ خاتون کو اسپتال منتقل کردیا گیا ہے۔
اس سے قبل بھی ایک بھارت کے مقدس شہر اُجین کی ایک ویڈیو سوشل میڈیا پر گردش کررہی تھی، جس میں دیکھا گیا کہ ایک شخص سڑک کنارے مبینہ طور پر ایک خاتون کو جنسی زیادتی کا نشانہ بنارہا ہے۔
حیرت انگیز طور پر دن دیہاڑے سڑک کے کنارے ہونے والے اس واقعے کے دوران لوگ ملزم کو پکڑنے کے بجائے ویڈیو بنانے میں مصروف رہے۔
درجنوں خواتین سے زیادتی، سابق سی آئی اے اہلکار کو سزا سنادی گئی
سوشل میڈیا پر ویڈیو وائرل ہونے کے بعد پولیس نے ملزم اور ویڈیو بنانے والے کو بھی حراست میں لے لیا۔
