امیر جماعت اسلامی حافظ نعیم نے کہا ہے کہ تعلیم کو کاروبار بنانے سے نقصان ہوا ہے، 2 کروڑ سے زائد بچے اسکول سے باہر ہیں۔
تفصیلات کے مطابق جماعت اسلامی پاکستان کے امیر حافظ نعیم الرحمان کا کہنا تھا کہ 2 کروڑ 75 لاکھ کے قریب بچے اسکول سے باہر ہیں، تعلیم کو کاروبار بنایا گیا، ڈھائی کروڑ افراد کے پاس انٹر کے بعد تعلیم حاصل کرنے کی سہولت ہے۔
حافظ نعیم الرحمان نے کہا کہ پاکستان کے90 فیصد لوگوں سے تعلیم کا حق چھین لیا گیا، پونے 3 کروڑ بچوں کو ہنر سکھانے کیلئے بھی مواقع نہیں۔
فلسطین کے حوالے سے اظہار خیال کرتے ہوئے ان کا کہنا تھا کہ اسرائیل نے 42 ہزار سے زائد فلسطینیوں کو شہید کیا، اسرائیل میں نیتن یاہو کےخلاف احتجاج ہو رہا ہے۔
امیر جماعت اسلامی نے کہا کہ دنیا میں ٹرینڈ بن گیا جو اسرائیل کے ساتھ ہوگا عوام اسکے خلاف ہیں، اسرائیل کو فائدہ پہنچانے والی پراڈکٹ کا بائیکاٹ کرسکتے ہیں۔
