نیویارک : وزیر دفاع خواجہ آصف کا کہنا ہے کہ غزہ جیسے سانحات کو حل کئے بغیر دنیا میں پائیدار امن و ترقی نہیں ہوسکتی۔
تفصیلات کے مطابق وزیر دفاع خواجہ آصف نے سمٹ آف دی فیوچر سے خطاب کرتے ہوئے کہا کہ غزہ جیسے سانحات کوحل کئےبغیرپائیدارترقی نہیں ہوسکتی، ہ سیکیورٹی چیلنجز سے نمٹنے کے لیے اجتماعی کوششیں کرنا ہوں گی، سیکیورٹی مسائل ہماری آنے والی نسلوں کے ساتھ ساتھ دنیا میں پائیدار امن کے لیے بھی خطرہ ہیں۔
وزیر دفاع نے زور دیا 4ٹریلین ڈالرکےایس ڈی جی فنانسنگ گیپ کوپرکرنےکیلئےکئی اقدامات کرنا ہوں گے اور او ڈی اے کے وعدوں کوپوراکرنا ہوگا ساتھ ہی یو این سیکریٹری جنرل کے مجوزہ ایس ڈی جی اسٹیمولس پر عملدرآمد کرنا ہوگا۔
انھوں نے مزید کہا کہ ایس ڈی آر کے 2021 کے غیر استعمال شدہ ایلوکیش کا 50 فیصد ری چینل کرنا ہوگا، ترقی پذیر ممالک کےلئےقرض کےاخراجات کم کرنا ہوں گے اور عالمی مالیاتی اداروں میں ترقی پذیرممالک کی نمائندگی بہتر کرنا ہوگی۔
وفاقی وزیر کا کہنا تھا کہ خود مختار قرض کے نظام کا جائزہ لے کر اسے مزید منصفانہ بنانا ہوگا اور منصفانہ عالمی ٹیکس ریجیم کو اپنانا ہوگا۔
انھوں نے مزید کہا کہ سمٹ آف دی فیوچر نہ صرف ایک نسل کو تبدیلی کا ایک موقع فراہم کرتی ہے بلکہ نئے جرات مندانہ حل کے عزم کا موقع فراہم کرتی ہے۔
