راولپنڈی : پاکستان تحریک انصاف (پی ٹی آئی) نے راولپنڈی میں جلسےکی اجازت کیلئے درخواست جمع کرادی، ڈپٹی کمشنر آفس نے درخواست موصول کر لی ہے۔
تفصیلات کے مطابق پاکستان تحریک انصاف نے راولپنڈی میں جلسےکی اجازت کیلئےڈی سی آفس درخواست جمع کرادی ، غلام حسنین مرتضیٰ، اویس یونس اورنبیل ستی کی جانب سے درخواست جمع کرائی گئی۔
درخواست میں کہا گیا کہ 28ستمبرکولیاقت باغ یابھاٹہ چوک میں جلسےکی اجازت دی جائے، پی ٹی آئی ملک کی بڑی جماعت ہے اورنظم و ضبط پریقین رکھتی ہے۔
درخواست میں کہنا ہے کہ حامیوں اور قیادت کوسیاسی سرگرمیوں کاآئینی حق حاصل ہے ، پی ٹی آئی کوسیاسی سرگرمیوں کے لیےجلسے کی اجازت دی جائے۔
ڈپٹی کمشنر آفس نے پاکستان تحریک انصاف کے جلسے کی درخواست موصول کر لی ہے۔
گذشتہ روز پاکستان تحریک انصاف کی مشاورتی کمیٹی کے اجلاس میں راولپنڈی میں جلسے سے متعلق مشاورت ہوئی ، اجلاس میں شیخ وقاص اکرم ،ملک تیمور،سیمابیہ طاہراوردیگر نے شرکت کی۔
کمیٹی نےسیمابیہ طاہر کو جلسے سے متعلق اہم ذمہ داری بھی سونپ دی اور کہا کہ تحریک انصاف ڈی سی آفس میں این اوسی کیلئےدرخواست دے گی اور ہائیکورٹ میں پٹیشن بھی دائر کی جائے گی۔
