پاکستان تحریک انصاف کی اکثریت حکومت سے آئینی اور قانونی ترافمیم پر بات چیت کی مخالف ہے اور اس کا موقف واضح ہے۔
اے آر وائی نیوز کو ذرائع سے ملنے والی اطلاعات کے مطابق پاکستان تحریک انصاف کی اکثریت حکومت سے آئینی اور قانونی ترامیم پر کسی بھی نوعیت کی بات چیت کی مخالف ہے اور ان کا موقف ہے کہ حکومت کے ساتھ ترامیم پر بات چیت کرنے کا مطلب ان کا مینڈیٹ تسلیم کرنا ہے۔
دوسری جانب ذرائع کا کہنا ہے کہ پی ٹی آئی کے کچھ رہنما ان ترامیم پر بات کرنے کے حامی ہیں، جس پر سب جماعتوں کا اتفاق ہو۔
ذرائع نے بتایا کہ قانون سازی کے معاملے پر پارٹی کی سینئر قیادت بانی پی ٹی آئی عمران خان سے واضح احکامات لے گی۔
واضح رہے کہ حکومت 26 ویں آئینی ترمیم کے لیے کوشاں ہے، جس کے لیے اسے دو تہائی اکثریت درکار ہے تاہم جے یو آئی سربراہ فضل الرحمان کی جانب سے آئینی ترامیم کا مسودہ مسترد کیے جانے کے بعد اب اس کی منظوری کے لیے مشاورت کے ساتھ کوششیں جاری ہیں۔
