اسلام آباد : پاکستان میں تیل اور گیس کی تلاش کے لئے بڑا معاہدہ ہوگیا ، معاہدے کے تحت چینی کمپنی آئل اینڈ گیس ڈیولپمنٹ کمپنی لمیٹڈ کے ساتھ مل کرتیل اور گیس کی تلاش کرے گی۔
تفصیلات کے مطابق آئل اینڈ گیس ڈیولپمنٹ کمپنی لمیٹڈ نے چین کی کمپنی سی سی ڈی سی سے تیل اور گیس تلاش کرنے کا معاہدہ کرلیا۔
معاہدے کے تحت چینی کمپنی او جی ڈی سی ایل کے ساتھ مل کرتیل کی تلاش کرے گی، معاہدے پر ایگزیکٹوڈائریکٹرپروڈکشن او جی ڈی سی ایل ممتازعلی سومرو اور سی سی ڈی سی کےنائب صدر ژانگ زیڈونگ نے پردستخط کیے۔
اس موقع پر وزیرپٹرولیم مصدق ملک اور چین میں پاکستان کےسفیرخلیل ہاشمی بھی موجود تھے۔
آئل اینڈ گیس ڈیولپمنٹ کمپنی لمیٹڈ نےایک بیان میں کہا معاہدے پاکستان میں توانائی کی ضروریات پوری کرنے کیلئے اہم ہے۔
وزیرپٹرولیم مصدق ملک کا کہنا تھا کہ یہ معاہدہ دونوں ملکوں کے باہمی توانائی کےشعبے میں تعلقات کومضبوط کرے گا، چینکنگ ڈرلنگ انجینئرنگ چین کی نیشنل پٹرولیم کارپوریشن کی ذیلی کمپنی ہے۔
