پشاور : عوامی نیشنل پارٹی نے بھی آئینی عدالت کی حمایت کا اعلان کردیا ، صدرایمل ولی خان نے کہا کہ ایسی عدالت ہونی چاہیےجس میں سب کی نمائندگی ہو۔
تفصیلات کے مطابق عوامی نیشنل پارٹی ( اے این پی ) کے صدر ایمل ولی خان نے کراچی پریس کلب میں خطاب کرتے ہوئے کہا کہ 3سال کیلئےمدت ملازمت میں توسیع کی بات ہورہی ہے، ذاتی طورپرایسی توسیع نہیں چاہتا لیکن ملکی ساکھ کیلئے ضروری ہے۔
ایمل ولی کا کہنا تھا کہ آئینی عدالت کےحامی ہیں،میں نےہی تجویزدی تھی، ایسی عدالت ہونی چاہیےجس میں سب کی نمائندگی ہو۔
View this post on Instagram
ان کا کہنا تھا کہ آدھےسےزیادہ خیبرپختونخوامیں پولیس کی رٹ نہیں ہے، خیبرپختونخوامیں جوآگ لگی ہےاس کےبھیانک نتائج آئیں گے۔
عوامی نیشنل پارٹی کے صدر نے مزید کہا کہ اے این پی حکومت کاحصہ ہےنہ اپوزیشن میں شامل ہے، عوامی رائے کی قدرنہیں ہوگی توحکومت اوراپوزیشن دونوں جعلی ہیں۔
