ہائیکنگ کے دوران جنوبی افریقا کے پہاڑوں میں لاپتہ ہونے والی امریکی خاتون کی لاش برآمد کرلی گئی ہے۔
بین الاقوامی خبر رساں ادارے کی رپورٹ کے مطابق امریکی ریاست نارتھ کیرولینا سے تعلق رکھنے والی طالبہ بروک شیوورنٹ کیپ ٹاؤن میں ایک غیر سرکاری تنظیم (این جی او) میں انٹرن شپ کر رہی تھی۔
میڈیا رپورٹس کے مطابق 20 سالہ امریکی طالبہ کی ہفتے کو لاپتہ ہونے کی اطلاع موصول ہوئی تھی، جب وہ ہائیکنگ کے لیے ٹریکنگ ایپ استعمال کر رہی تھی جس کی اپڈیٹ آنا بند ہوگئی تھی اور طالبہ سے رابطہ نہیں ہورہا تھا۔
غیر ملکی میڈیا کے مطابق ٹریکنگ ایپ پر کوئی اپ ڈیٹ نہ ہونے پر طالبہ کے دوستوں نے پولیس کو اس حوالے سے آگاہ کیا، جس پر پولیس نے فوری ایکشن لیا۔
مقامی میڈیا کا کہنا ہے کہ 20 سالہ امریکی کی لاش اتوار کو پہاڑی علاقے سے ملی جس کا پتہ لگانے کے لیے ہیلی کاپٹر کا بھی استعمال کیا گیا۔
خفیہ کیمروں سے کرایہ دار خاتون کی نازیبا ویڈیوز بنانے والا مالک مکان کا بیٹا گرفتار
مقامی حکام کے مطابق طالبہ کی موت کے وجہ جاننے کے لیے تحقیقات شروع کردی گئی ہیں۔
