راولپنڈی: نیو ٹاؤن پولیس نے انتہائی مطلوب 5 رکنی کار لفٹر گینگ کو گرفتار کرلیا، ملزمان سے 10 مسروقہ گاڑیاں اور 2 رکشے برآمد ہوگئیں۔
سی پی او سید خالد ہمدانی کے مطابق برآمد شدہ گاڑیوں میں 4 کرولا، 2 مہران، 1 کورے، 2 پک اپ، 1 خیبر اور 2 رکشے شامل ہیں، گرفتار ملزمان میں جہانگیر، خورشید، کامران، افتخار اور خاندان خان شامل ہیں۔
پولیس کا کہنا ہے کہ ملزمان شاپنگ مالز اور پارکنگ سے ماسٹر کی اور دیگر طریقوں سے گاڑیاں چوری کرتے تھے، ملزمان سے وارداتوں میں استعمال ہونے والی ماسٹر کی بھی برآمد ہوئی ہیں۔
- Advertisement -
ملزمان گاڑیاں چوری کر کے دیگر اضلاع میں فروخت کرتے تھے، راولپنڈی پولیس کار و موٹرسائیکل چوری کی روک تھام کے لیے ہمہ وقت مصروف عمل ہے۔
