نیویارک : وزیر دفاع خواجہ آصف نے آئی ایم ایف قرض پروگرام کی منظوری پر کہا ہمیں مشکل وقت میں ریلیف ملا ہے۔
تفصیلات کے مطابق وزیردفاع خواجہ آصف نے نیویارک میں میڈیا سے گفتگو مین آئی ایم ایف کی جانب سے قرض پروگرام کی منظوری پر کہا کہ ہمیں مشکل وقت میں ریلیف ملا، بجلی اور گیس سمیت دیگر چیزوں میں عوام کوریلیف دینا ہوگا۔
وزیردفاع کا کہنا تھا کہ معیشت کی بہتری کیلئے جدوجہدجاری رکھنی ہوگی اور ہمیں اپنی معیشت کوخودبہترکرناہوگا۔
یاد رہے آئی ایم ایف نے پاکستان کو سات ارب ڈالر قرض کی منظوری دے دی ہے، آئی ایم ایف سے منظوری کے بعد اب پاکستان کو قرضے کی پہلی قسط تیس ستمبر سے پہلے مل جائے گی، قرضے کی پہلی قسط ایک ارب دس کروڑ ڈالر ہو گی۔
پاکستان کیلیے آئی ایم ایف قرض پروگرام کی مدت سینتیس ماہ ہوگی اور قرض کی منظوری کے ساتھ بیرونی ادائیگیوں کا دباؤ ختم ہوگیا۔
آئی ایم ایف کا قرض پروگرام تین سال کے لیے ہے، پاکستان کو قرضے کی دوسری قسط بھی رواں سال جاری ہوگی۔
