شوبز انڈسٹری کے سینئر اداکارہ بہروز سبزواری نے اپنے پسندیدہ اداکاروں کے نام بتادیے۔
پاکستانی فلم اور ڈرامہ انڈسٹری کے سینئر اداکارہ بہروز سبزواری نے حال ہی میں نجی ٹی وی کے پروگرام میں شرکت کی اور فنکاروں سے متعلق اپنی رائے کا اظہار کیا۔
انہوں نے کہا کہ انہیں آج کل کے فنکاروں میں اداکار فواد خان اور ماہرہ خان بہت پسند ہیں دونوں ہی بہت نفیس شخصیت کے مالک ہیں۔
بہروز سبزواری کا کہنا تاھا کہ نئے آنے والے فنکاروں میں اکثر صرف شہرت کے لیے آئے ہیں انہیں اداکاری سے کوئی لینا دینا نہیں ہے۔
انہوں نے کہا کہ نئے فنکاروں میں کچھ واقعی اداکاری کرنے کے لیے آئے ہیں اور ان کے کام سے پتہ چلتا ہے کہ وہ اداکاری کرنا چاہتے ہیں اور انہیں شہرت و کامیابی بھی مل رہی ہے جبکہ کچھ تو صرف شہرت حاصل کرنے کے لیے آئے ہیں۔
بہروز سبزواری کا کہنا تھا کہ شہرت حاصل کرنے کے لیے آنے والے فنکاروں کو دیکھ کر ہی علم ہوجاتا ہے کہ ان کا مقصد کیا ہے۔
انہوں نے بتایا کہ وہ 50 سال قبل محض 14 سال کی عمر میں ہی اسٹار بن گئے تھے، جس وجہ سے ان میں کم عمری میں ہی مغروری آگئی تھی۔
انہوں نے اعتراف کیا کہ کم عمری میں شہرت اور مقبولیت ملنے کی وجہ سے وہ مغرور بن گئے تھے، جس کا انہیں نقصان بھی ہوا لیکن جلد ہی انہوں نے خود کو سنبھالا اور تکبر چھوڑ کر نیازمندی اختیار کرلی۔
واضح رہے کہ بہروز سبزواری کے صاحبزادے شہروز سبزواری بھی متعدد ڈراموں میں اداکاری کے جوہر دکھا چکے ہیں۔
